news_header_top_970_100
news_header_bot_970_100

Рөстәм Миңнеханов Төрекмәнстан вәкилләре белән төзелештә хезмәттәшлек турында сөйләште

Бүген Татарстан Республикасы Президенты Рөстәм Миңнеханов II Халыкара төзелеш чемпионаты кысаларында Төрекмәнстан делегациясе вәкилләре белән очрашты. Чара «Казан Экспо» халыкара күргәзмә үзәге мәйданчыгында уза. Республика җитәкчесенең матбугат хезмәте шул турыда хәбәр итә.

Рөстәм Миңнеханов Төрекмәнстан Министрлар Кабинеты Рәисе урынбасары Хоҗамурат Гельдимырадов һәм Төрекмәнстан Сәнәгатьчеләре һәм эшмәкәрләре берлеге рәисе Довран Ходайбирдиев белән киләчәктә үзара файдалы хезмәттәшлек мәсьәләләре, шул исәптән төзелеш тармагында башка актуаль мәсьәләләр турында фикер алышты.

Очрашуда шулай ук Төрекмәнстанның Казандагы Генераль консулы Гуйч Гәрәев тә катнашты.

news_right_column_1_240_400
news_right_column_2_240_400
news_bot_970_100