Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов: Каравон Татарстан бренды булып танылды
Татарстан Президенты Рөстәм Миңнеханов Рус халык бәйрәме Каравонда булды. Ул утызынчы тапкыр Татарстанның Лаеш районы Никольское авылында уза. Бу турыда «Татар-информ» хәбәрчесе Лиля Шәйхетдинова яза.
«Каравон безнең традицион бәйрәмнәрне беренче булып башлый. Аннан соң мари, чуваш, татар бәйрәмнәре була. Ул безнең республиканың танылган брендына әверелде», - диде ТР Президенты.
Ул проектта катнашучыларның барысына да - 170тән артык коллективка, 150дән артык халык һөнәрчелеге осталарына рәхмәт белдерде. Бәйрәмне оештыручыларны да, район җитәкчелеген дә искә алды.
«Рус мәдәнияте - безнең илнең нигезе. Һәм мин бу ямьле бәйрәм өчен чын күңелдән рәхмәтлемен», - диде ул.
Аның сүзләренчә, «Каравон»ны үткәрү нәтиҗәсендә бүген күп кенә традицион осталыклар яңадан торгызылды, алар яшь буынга тапшырыла.
«Нәкъ менә шуңа күрә Каравон республика халкын гына түгел, башка төбәкләрне дә җәлеп итү ноктасы булып тора. Аның үсүен һәм ныгуын телим», - дип нәтиҗә ясады Рөстәм Миңнеханов.
Искәртик, бу минутларда Лаеш районының Никольское авылында изге һәм могҗиза тудыручы Николай көненә багышланган «Каравон» рус халык бәйрәме уза. Ел саен үткәрелә торган бәйрәм 18.00 сәгатькә кадәр дәвам итәчәк.
Кызыклы яңалыкларны күзәтеп бару өчен Телеграм-каналга язылыгыз