Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов Ижевск мәктәбендәге атыштан соң Удмуртия башлыгының кайгысын уртаклашты
Татарстан Республикасы Президенты Рөстәм Миңнеханов Ижевскның 88 нче номерлы мәктәбендәге фаҗигадән соң, Удмуртия Республикасы башлыгы Александр Бречаловка кайгы уртаклашу телеграммасын җибәрде.
«Ижевск мәктәбендәге фаҗига турындагы хәбәр тетрәндерде. Мәрхәмәтсез һөҗүм аркасында балалар гомере өзелүен аңлау бигрәк тә авыр. Бу зур кайгы татарстанлыларны да битараф калдырмады», — ди ТР Президенты.
«Республика халкы һәм шәхсән үземнең исемнән һәлак булганнарның гаиләләре, туганнары һәм якыннарының тирән кайгыларын уртаклашам. Фаҗигадә зыян күрүчеләрнең тизрәк савыгуларын телибез», — дип өстәде Рөстәм Миңнеханов.
Бүген иртән 88 нче номерлы Ижевск мәктәбендә шул уку йортын тәмамлаган укучы ут ачты. Соңыннан үз-үзенә кул салган. Һөҗүм нәтиҗәсендә 13 кеше үлде, шул исәптән җиде бала. Моннан тыш, тагын 14 балигъ булмаган бала һәм җиде олы кеше зыян күргән. Удмуртия Республикасында 29 сентябрьгә кадәр матәм игълан ителде.
Кызыклы яңалыкларны күзәтеп бару өчен Телеграм-каналга язылыгыз