Рөстәм Миңнеханов эш визиты белән Беларусь Республикасына килде
Скопировать ссылку
Татарстан Рәисе Рөстәм Миңнеханов 23 майда эш визиты белән Беларусь Республикасына, Брест шәһәренә килде. Бу хакта ТР Рәисе матбугат хезмәтендә хәбәр иттеләр. Халыкара аэропортта аны Брест өлкә башкарма комитеты рәисе Петр Пархомчик каршы алды.
Хәбәр ителгәнчә, бүген республика башлыгының кайбер предприятиеләрдә булуы, Брест өлкәсе җитәкчелеге белән очрашуы һәм меморандумга кул кую планлаштырылган. Программада «Брест ныгытмасы – герой» мемориаль комплексына бару да каралган.