Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россиянең көньягы һәм үзәгендәге аэропортларга очышларны чикләү 31 майга кадәр озайтылды
Россиядә илнең үзәк һәм көньяк өлеше аэропортларына очышларга чикләүләр янә озайтылды. Чикләүләрне бетерүнең яңа якынча датасы – 31 май, дип хәбәр итә Росавиациянең матбугат хезмәте.
Шул рәвешле, әлеге чикләүләр кертелгән 11 аэропорт инде бер айдан артык – 24 февральдән бирле эшләми. Әлеге исемлеккә Анапа, Белгород, Брянск, Воронеж, Геленджик, Краснодар, Курск, Липецк, Ростов-на-Дону, Симферополь һәм Элистаның һава юлы транспорты үзәкләре кергән.
Элегрәк чикләү 25 майда бетерелер дип фаразланган иде. Бу вакытка кадәр авиакомпанияләргә, Сочи, Волгоград, Минераль Сулар, Ставрополь һәм Мәскәү аэропортларыннан файдаланып, альтернатив маршрутлар буенча рейслар оештырырга тәкъдим ителде.
Россиянең көньягында һәм үзәгендә очышларны чикләү турындагы карар Украинада махсус хәрби операция үткәрүгә бәйле рәвештә кертелде. Махсус хәрби операциянең башлануы турында 24 февраль көнне РФ Президенты Владимир Путин игълан итте.
Кызыклы яңалыкларны күзәтеп бару өчен Телеграм-каналга язылыгыз