Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россия Хөкүмәте Covid-вакцинаны прививкалар календарена кертергә тәкъдим итте
Дәүләт Думасына коронавируска каршы прививканы илкүләм календарьга кертү турындагы закон проекты кертелде.
(Казан, 26 май, «Татар-информ»). РФ Хөкүмәте Дәүләт Думасына коронавируска каршы прививканы илкүләм календарьга кертү турындагы закон проектын кертте. Бу хакта парламентның түбән палатасы мәгълүматыннан күренә.
«Закон проекты тарафыннан профилактик прививкалар илкүләм календарена Covid-19 яңа коронавирус инфекциясенә каршы прививка ясау өлешендә үзгәрешләр кертү тәкъдим ителә», - диелә закон проектына аңлатма язуында.
Үзгәрешләр федераль бюджет хисабына коронавируска каршы профилактик дарулар сатып алырга мөмкинлек бирәчәк. Шулай итеп, әлеге законны бастыру 2021 елда бюджеттан 26,4 мең сум күләмендә өстәмә акча бүлеп бирүне таләп итә. Шул ук вакытта 2022 - 2024 елларда кирәк булган акчалар күләме, эпидемия вазгыятен исәпкә алып, Россия Сәламәтлек саклау министрлыгы тарафыннан тәгаенләнәчәк. Закон кабул ителгән очракта дәүләтнең финанс йөкләмәләре үзгәрәчәк, шулай ук РФ бюджет системасы акчалары хисабына капланачак өстәмә чыгымнар барлыкка киләчәк.
Искәртеп узабыз, соңгы мәгълүматларга караганда, 10 миллионнан артык россияле коронавирустан тулысынча прививка ясаткан инде. Кичә Федерация Советы Рәисе Валентина Матвиенко, РФ Президенты Владимир Путиннан үрнәк алып, гражданнарны Covid-19дан прививка ясатырга чакырды.
Кызыклы яңалыкларны күзәтеп бару өчен Телеграм-каналга язылыгыз