news_header_top_970_100
news_header_bot_970_100

Росавиация илнең көньяктагы аэропортларына һәм үзәк өлешенә очышларны тыюны кабат озайтты

Росавиация Россиянең көньяк шәһәрләренең 11 аэропортына очышларга чикләүләрне кабат озайтты. Тыю 6 июльгә кадәр гамәлдә булачак, дип хәбәр итә федераль агентлык.

Анапа, Белгород, Брянск, Воронеж, Геленджик, Краснодар, Курск, Липецк, Ростов-на-Дону, Симферополь һәм Элиста аэропортларында очышлар вакытлыча туктатылып тора.

Россия авиакомпанияләренә альтернатив маршрутлар буенча пассажирлар ташуны оештырырга тәкъдим ителә. Аларга Сочи, Волгоград, Минераль Сулар, Ставрополь һәм Мәскәү аэропортларыннан файдаланырга киңәш ителә.

Илнең көньягында һава киңлеген очышлар өчен 24 февральдә РФ Президенты Владимир Путин Украинада махсус хәрби операция башлану турында игълан иткәч яптылар. Шул рәвешле, илнең көньяк һәм үзәк өлешендәге 11 аэропорт дүрт ай дәвамында эшчәнлеген туктатып тора.

news_right_column_1_240_400
news_right_column_2_240_400
news_bot_970_100