Рәсми Татарстан 1 июль 2005 16:26

^РФ Президенты Владимир Путин "Казанның 1000 еллыгы истәлегенә" медален гамәлгә кую турындагы указга кул куйды

Скопировать ссылку

(Казан, 1 июль, "Татар-информ"). Россия Президенты Владимир Путин "Казанның 1000 еллыгы истәлегенә" медален гамәлгә кую һәм республикада яшәүчеләрне бүләкләү турында указга кул куйды, дип хәбәр итә "Новости" РМА.

Дәүләт башлыгы шул ук указ нигезендә, Татарстан Президентына медальләрне тапшыру кагыйдәсен һәм тәртибен эшләргә, шулай ук бүләкне РФ Президенты исеменнән тапшырырга карар иткән.

Медаль белән Бөек Ватан сугышында катнашучылар, сугыш чорында Казанда алты ай тирәсе эшләгән тыл хезмәтчәннәре, Бөек Ватан сугышында тырыш хезмәте өчен СССР ордены һәм медальләре белән бүләкләнүчеләр, хезмәт ветераннары, шулай ук Казан үсешенә зур өлеш кертүче казанлылар бүләкләнә.

Җиздән ясалган медальнең диаметры 32 миллиметр. Бүләкнең уң ягында "Казан Кремле" музей-тыюлыгы сурәте ясалган. Медальнең әйләнәсенә "Казанның 1000 еллыгы истәлегенә" дип язылган.

Сәхифәләр

^РФ Президенты Владимир Путин "Казанның 1000 еллыгы истәлегенә" медален гамәлгә кую турындагы указга кул куйды