Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
РФ Хөкүмәте мәгарифне үстерү буенча дәүләт корпорациясе булдыруны инкарь иткән
Әлегә карар кабул ителмәгән, дип белдергән РФ вице-премьеры Ольга Голодец
(Казан, 2 сентябрь, “Татар-информ”). РФ вице-премьеры Ольга Голодец мәгарифне үстерү буенча дәүләт корпорациясе булдыруны инкарь иткән. Искәртеп үтик: моңа кадәр ММЧда Владимир Путинның бу мәсьәләне җентекләп өйрәнергә йөкләмә бирүе турында хәбәр таралган иде. Бу хакта “ТАСС” яза.
Голодец сүзләренчә, әлегә карар кабул ителмәгән. Ул, үз чиратында, бу тәкъдимне җентекләп өйрәнүне РФ Мәгариф һәм фән министрлыгына йөкләгән.
“Министрлык үз тәкъдимнәрен сентябрьнең беренче ункөнлегеннән дә соңга калмыйча кертергә тиеш. Әлегә бернинди карарлар да кабул ителмәде”, – дип белдерелгән Голодецның матбугат хезмәтендә.
Бу төр корпорацияне булдыру тәкъдиме белән Владимир Путинга “Просвещение” нәшрияты башлыгы Владимир Узун мөрәҗәгать иткән иде. Нашир уйлаганча, яңа оешма мәгариф белән бәйле сорауларны – мәктәп биналарын проектлау, мәктәп җиһазлары җитештерү, дәреслекләр бастыру һәм хәтта мәктәп формасын тегү кебек мәсәләләрне контрольда тотарга тиеш.
Кызыклы яңалыкларны күзәтеп бару өчен Телеграм-каналга язылыгыз