news_header_top
16+
news_header_bot
news_top

Республикада 110 ветеран яңа машиналы булды

25 июньгә булган мәгълүматка караганда, Татарстанда Иске автомобильләрне утильләштерү программасы буенча 110 сугыш ветераны яңа автомобильләр белән тәэмин ителде

(Казан, 29 июнь, “Татар-информ”, Ләйсән Әсәдуллина). Татарстанда Бөек Җиңүнең 65 еллыгын бәйрәм итү кысаларында Иске автомобильләрне утильләштерү программасы буенча Бөек Ватан сугышы ветераннарын һәм тыл хезмәтчәннәрен автомобильләр белән тәэмин итүгә зур игътибар бирелде. 25 июньгә булган мәгълүматка караганда, беренче чиратта автомобильләр белән 110 сугыш ветераны тәэмин ителде. Бу турыда бүген ТР Министрлар Кабинетында үткән брифингта ТР сәнәгать һәм сәүдә министры урынбасары Гөлнара Әхмәдиева хәбәр итте.
“Парус” һәм “КАН-АВТОВАЗ” дилерлар үзәкләрендә, 9 май көненә туры китереп, сугыш ветераннарына яңа автомобильләрдән ачкычларны тантаналы төстә тапшыру акцияләре үтте.

news_right_1
news_right_2
news_bot