Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Новоузенскида балалар арасында Коръән укучыларның VI өлкә бәйгесе була
Идел буе Болгары халыклары тарафыннан Ислам динен кабул итүнең 1100 еллыгы уңаеннан уздырылачак чара 2021 елның 14 мартында Новоузенск мәдәният йортында узачак.
(Казан, 24 гыйнвар, «Татар-информ»). Саратов мөселманнары Диния нәзарәте каршындагы «Зейд бин Сабит» Коръән үзәге җитәкчесе Ильяс хәзрәт Ильясов һәм Саратов Җәмигъ мәчете имам-хатыйбы Рөстәм хәзрәт Мөхитов балалар арасында Коръән уку буенча VI өлкә конкурсына әзерләнү турында фикер алыштылар.
Идел буе Болгары халыклары тарафыннан Ислам динен кабул итүнең 1100 еллыгы уңаеннан уздырылачак чара 2021 елның 14 мартында Новоузенск мәдәният йортында узачак. Бу турыда Россия Мөфтиләр шурасы матбугат хезмәте хәбәр итә.
Бәйгене «Зейд бин Сабит» үзәге һәм Новоузенск районына кергән мөхтәсибәт оештыра. Коръән уку буенча VI өлкә конкурсында губерниянең барлык почмакларыннан малайлар һәм кызлар катнашачак.
15 яшькә кадәрге балалар өч номинациядә ярышачак - «Әл-Фатиха»ны һәм соңгы өч сүрәне яттан уку, «Әл-Фатиха»ны һәм ун сурәне яттан уку, шулай ук соңгы 20 сүрәне яттан уку.
Ильяс хәзрәт Ильясов хәбәр иткәнчә, якын арада Саратов өлкәсе районнарында сайлап алу этаплары узачак. Аларны уздыру һәм турыдан-туры өлкә конкурсына әзерләнү буенча шулай ук Новоузенск мөселман җәмгыяте активистлары белән дә фикер алыштылар.
Кызыклы яңалыкларны күзәтеп бару өчен Телеграм-каналга язылыгыз