Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Равил Гайнетдин Рязань өлкәсендә предприятиедә фаҗига булу сәбәпле кайгы уртаклашты
«Без бу коточкыч фаҗигада һәлак булганнарның гаилә әгъзаларының һәм якыннарының кайгысын уртаклашабыз һәм дога кылып бу авыр сынауда фаҗига корбаннары гаиләләренә сабырлык һәм ныклык бирүне телибез», - ди мөфти.
(Казан, 22 октябрь, «Татар-информ»). Рязань өлкәсендә урнашкан предприятиедә янгында кешеләр һәлак булу сәбәпле, Россия мөселманнары Диния нәзарәте рәисе шәех Равил Гайнетдин кайгы уртаклашу сүзләрен юллаган.
Россия Мөфтиләр шурасы сайтында шул хакта хәбәр ителә.
«Россия Федерациясе мөселманнары Диния нәзарәте һәм шәхсән үз исемемнән Рязань өлкәсе предприятиесендә шартлау вакытында кешеләрнең фаҗигале үлеме уңаеннан тирән кайгы уртаклашу сүзләрен җиткерәм.
Без бу коточкыч фаҗигада һәлак булганнарның гаилә әгъзаларының һәм якыннарының кайгысын уртаклашабыз һәм дога кылып бу авыр сынауда фаҗига корбаннары гаиләләренә сабырлык һәм ныклык бирүне телибез.
Аллаһы Тәгаләдән зыян күргәннәргә тиз арада сәламәтләнүне, ә һәлак булганнарның урыннары оҗмахта булуын телибез», диелгән кайгы уртаклашу хәбәрендә.
Кызыклы яңалыкларны күзәтеп бару өчен Телеграм-каналга язылыгыз