Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Буаның «Хаҗилар» мәчетендә балалар өчен җәйге дини курслар тәмамланды
Сабыйларны Коръән укырга, гәрәпчә язарга, намаз тәртипләренә өйрәттеләр.
(Казан, 22 июнь, «Татар-информ»). 14-20 июньдә Буа шәһәренең «Хаҗилар» мәчетендә Буа мөхтәсибәте белән берлектә балалар өчен җәйге дини курслар узды. Буа мөгаллиме Ильяз хәзрәт Сабиров белән «Мөхәммәдия» шәкерте Мөхәммәд Гайнуллин сабыйларны Коръән укырга, гәрәпчә язарга, намаз тәртипләренә өйрәтте.
Өйлә намазыннан соң балалар мәчет янындагы спорт мәйданчыгында футбол уйнады. Нәни шәкертләр көн саен Гөлсинә ханым Сөләйманова белән Фидания ханым Хөсәинова тарафыннан әзерләнгән кайнар ризык белән тәэмин ителде. Бу турыда Татарстан мөселманнары Диния нәзарәте матбугат хезмәте хәбәр итә.
Курслар ахырында Буа имам-мөхтәсибе Илмир хәзрәт Хәсәнов шәкертләргә дин турында лекция сөйләп, мәчеттә укылган хәрефләрне онытмаска өндәде.
Мәчет имамы Фәһим хәзрәт Сөләйманов мул табын артында балаларны, мәхәллә халкын сыйлады. Шәкертләргә мөхтәсибәт исеменнән бүләкләр таратылды.
Ата-аналар шушы дини курсны оештыручыларга зур рәхмәтләрен җиткерде.
Кызыклы яңалыкларны күзәтеп бару өчен Телеграм-каналга язылыгыз