Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда физик мөмкинлекләре чикләнгән балалар өчен ифтар узды
Мөфтият «Рамазан — изге гамәлләр ае» марафоны кысаларында «Зәкят» хәйрия фонды белән берлектә төрле социаль чаралар уздыра.
(Казан, 21 апрель, «Татар-информ»). Ел саен Рамазан-шәриф аенда мөфтиятнең «Рамазан — изге гамәлләр ае» марафоны кысаларында «Зәкят» хәйрия фонды белән берлектә төрле социаль чаралар уза. Кичә Казанда физик мөмкинлекләре чикләнгән балалар өчен ифтар узды
«Туган авылым» милли-туристик комплексында мөфтиятнең социаль үсеш бүлеге тарафыннан тормышка ашырыла торган «Яшь килен», «Затлы мәҗлес» һәм «Исламда беренче адымнар» проектларында катнашучылар физик мөмкинлекләре чикләнгән балалар һәм аларның әниләре өчен бәйрәм үткәрде.
Балалар һәм әниләр Рамазан ае турында тагын да күбрәк белде, үзләре дә Рамазан аена кагылышлы шигырьләр сөйләде, ислам турындагы табышмакларны чиште.
Балалар өчен матур кичә ифтар мәҗлесе белән тәмамланды.
Кызыклы яңалыкларны күзәтеп бару өчен Телеграм-каналга язылыгыз