Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Төмәндә татар халкының дини культурасы нигезләрен укыта башладылар
Дәресләр Татарстан Республикасының Казан ислам институтында эшләнгән методика һәм дәреслек буенча үткәреләчәк.
(Казан, 20 октябрь, «Татар-информ»). Төмән өлкәсе мөселманнары Диния нәзарәтендә татар халкының дини культурасы нигезләре буенча дәресләр башланды. Уку курсы 48 академик сәгатькә исәпләнгән. Дәресләр 6 ай була.
Россия Мөфтиләр шурасы хәбәр иткәнчә, дәресләр Татарстан Республикасының Казан ислам институтында эшләнгән методика һәм дәреслек буенча үткәреләчәк. Төмән өлкәсе мөселманнары Диния нәзарәте укучыларны тиешле уку әсбаплары белән тәэмин итте.
Курсның программасы татар халкының әдәби, дини, тарихи мирасын, шул исәптән гомуммөселман цивилизациясе контекстында өйрәнүгә юнәлтелгән. Мондый дәресләр Диния нәзарәте тарфыннан 2018 елда үткәрелгән инде.
2019 елдан башлап, коронавирус пандемиясе белән бәйле рәвештә, укулар туктатылды. Быел төбәктәге катлаулы эпидемиологик вәзгыятькә карамастан, Төмән татарларының үз халкының мәдәниятен өйрәнүгә ихтыяҗын исәпкә алып, өлкә мөселманнары Диния нәзарәте җитәкчелеге курсны яңарту карарын кабул итте.
Кызыклы яңалыкларны күзәтеп бару өчен Телеграм-каналга язылыгыз