Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда Республика ифтары 11 майда Kazan Expo күргәзмәләр үзәгендә узачак
Чарага зур кунаклар, бизнес вәкилләре һәм мохтаҗлар: күп балалы һәм аз керемле гаиләләр, сәламәтлек мөмкинлекләре чикле кешеләр җыелачак.
(Казан, 20 апрель, «Татар-информ»). 11 майда Казанда IX Республика ифтары узачак. ТР мөселманнары Диния нәзарәте рәисе, Татарстан мөфтие Камил хәзрәт Сәмигуллин «Татар-информ» агентлыгына биргән интервьюсында шулай дип белдерде. Элегрәк ифтарның 7 майга билгеләнүе хакында хәбәр ителгән иде.
Быел ул Kazan Expo халыкара күргәзмәләр үзәгендә оештырылачак. Чарага зур кунаклар, бизнес вәкилләре һәм мохтаҗлар: күп балалы һәм аз керемле гаиләләр, сәламәтлек мөмкинлекләре чикле кешеләр җыелачак.
2019 елда «Ак Барс Арена» стадионында узган республика ифтарына 20 мең кеше җыелган иде. 2020 ифтар коронавирус пандемиясе аркасында онлайн-форматта үткәрелде. Быел 5 меңгә якын кешене чакыру күздә тотыла. Кунаклар санының кимүе яңа төрдәге коронавирус инфекциясе таралуга кагылышлы чикләүләр белән бәйле.
Кызыклы яңалыкларны күзәтеп бару өчен Телеграм-каналга язылыгыз