Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Төмән өлкәсенең Сөләйман авылында мәчет ачылды
Соңгы тапкыр Сөләйман авылында азан моннан 20 элек яңгыраган булган.
(Казан, 19 сентябрь, «Татар-информ»). Төмән өлкәсенең Вагай районы Сөләйман авылында мәчет ачылды.
«Ничә еллардан соң Төмән өлкәсенең Вагай районы Сөләйман авылында кабат азан тавышы ишетелде», — дип яза Бөтендөнья татар конгрессы сайты. Гыйбадәт йорты өлкә хөкүмәтенең финанс ярдәме белән һәм иганә акчаларына төзекләндерелгән.
Соңгы тапкыр Сөләйман авылында азан моннан 20 элек яңгыраган булган.
«Барлык өлкәләр, барлык ил буенча мәчетләр салына, безнең исә революциягә кадәр үк мөселман гыйбадәт йорты булган. Шуның өчен Аллаһ йортын төзекләндерәсебез килде, без моны Аллаһ хакына башкардык. Диния нәзарәте һәм хөкүмәт ярдәм итте», — ди мәчетне торгызуның инициаторы Октябрист Зарипов. Мөфти Зиннәт хәзрәт Садыйков әлеге эшкә үз фатихасын биргән. Нәтиҗәдә, 2017 елда ремонт эшләре башланган һәм быелның сентябрендә мәчет яңадан ачылган.
Мәчеттә балаларга дини белем бирү эшенә мөселманнарның дини оешмасы рәисе итеп сайланган Эльмира Хәбибуллаева билгеләнде.
Мөселманнарны мәчет ачылышы белән котларга өлкә үзәгеннән кунаклар да килгән. Халык алдында җирле администрация вәкилләре һәм Төмәннән дин әһелләре чыгыш ясады. Рәсми өлештән соң Вагай районы имам-мөхтәсибе Әхмәт хәзрәт Ишмөхәммәтов җитәкчелегендә мөселманнар өйлә намазы укыды. Намаздан соң бәйрәм табыны әзерләнде.
Сөләйман авылында ике йөзгә якын кеше яши, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз