Бүген Мәскәүдә Коръән мәгънәләренең татар теленә тәрҗемәсе тәкъдим ителәчәк

Басманы Татарстан мөфтияте әзерләде.

(Мәскәү, 17 октябрь, "Татар-информ", Алсу Исмәгыйлева). Бүген Мәскәүдә Татарстан мөфтияте тарафыннан әзерләнгән «Каләм Шәриф. Мәгънәви тәрҗемә»  басмасы – Коръәннең татар теленә тәрҗемәсе тәкъдим ителәчәк.

Вакыйга Татарстан Республикасының Россия Федерациясендәге Тулы вәкаләтле вәкиллегендә 15 сәгатьтә башлана.

Чарада күренекле дин әһелләре, дәүләт, җәмәгать, фән эшлеклеләре катнашуы көтелә.

  • Коръәннең хәзерге татар теленә тәрҗемәсе ихтыяҗы турында Татарстан Республикасы Диния нәзарәте 2016 елда игълан иткән иде. Тәрҗемә эше өч ел дәвамында башкарылды. Татарстан мөфтие Камил хәзрәт Сәмигуллин: "Безгә алга таба галимнәр дә, тарихчылар, дин белгечләре, педагоглар да файдалана ала торган классик хезмәт булдырырга кирәк", - дип белдергән иде.