Балтачта хаҗилар белән очраштылар

Хаҗилар үзләренең тәэсирләре белән уртаклашты, кызыксындырган сорауларга җавап бирделәр.

(Балтач, 16 октябрь, "Татар-информ", "Хезмәт"). Җомга көн кич белән Балтач үзәк мәчетендә хаҗда булып кайтканнар белән очрашу булды, дип яза җирле басма.

Хаҗилар үзләренең тәэсирләре белән уртаклашты, изге урыннарда булган мизгелләрне искә төшерерде, кызыксындырган сорауларга җавап бирделәр. Бу очрашу кешеләргә Мәккәгә хаҗ кылуның әһәмияте, мөһимлеге турында мәгълүмат бирү өчен дә менә дигән мөмкинлек булды.