Казандагы Россия Ислам университетында чыгарылыш кичәсе булды

Казандагы Россия Ислам университетында чыгарылыш кичәсе булды

(Казан, 14 июнь, «Татар-информ», Рәсилә Кәримова). Кичә Казандагы Россия Ислам университетында (РИУ) шәкертләрнең чыгарылыш кичәсе булды. Быел университетны дүрт ел дәвамында ике, ягъни Коръән һәм Шәригать факультетларында белем алган сигез шәкерт тәмамлады.

– Университетта укулар 23 июньдә төгәлләнергә тиеш булса да, быел аеруча зур вакыйга, ягъни бу айда Кол Шәриф мәчетен ачу (ул 24 июньгә туры килә) тантанасы булганлыктан, аны бераз тизләтергә булдык. Мәчет ачу чарасында безнең дә шәкертләр катнаша, шуңа калган вакытны әзерлек эшләренә багышладык, - ди университетның уку-укыту буенча проректоры Габдерәшит Закиров.