Менделеевскида Ураза бәйрәмендә тантаналы чаралар булмаячак

13 майда мөселманнар Рамазан ае тәмамлануын билгеләп үтәчәк.

(Менделеевск, 13 май, «Татар-информ», «Менделеевск яңалыклары»). Казан гимназиясендә фаҗига булу сәбәпле, Менделеевскида Ураза бәйрәмендә тантаналы чаралар булмаячак.

Үзәк мәчеттә Ураза бәйрәме 5.30 сәгатьтә Коръән укудан башланачак, иртәнге сәгать алтыда вәгазь тыңлаячаклар, 6.30 сәгатьтә гает намазы планлаштырылган.

Шәһәр һәм район мәчетләрендә фаҗигадә зыян күргәннәрнең тернәкләнүе өчен һәм үлгәннәргә дога кылачаклар.