Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Фәрит Мөхәммәтшин Камил Сәмигуллинны Татарстан мөфтие итеп сайлануы белән котлады
Татарстан Дәүләт Советы Рәисе мөфтинең эшчәнлеге шулай ук мөселман җәмәгатьчелегенең башка конфессия вәкилләре белән хезмәттәшлеген ныгытуга юнәлтелер дип ышана.
(Казан, 12 апрель, «Татар-информ»). Татарстан парламенты башлыгы Фәрит Мөхәммәтшин Камил Сәмигуллинны республика мөселманнары Диния нәзарәте рәисе итеп сайлануы белән котлады. Бу хакта ТР Дәүләт Советы матбугат хезмәте хәбәр итә.
«Республика мөселманнары корылтайлары делегатлары тарафыннан күрсәтелгән чираттагы ышаныч — сезнең югары абруегыз, исламның традицион тәгълиматына, мөфтиятнең киң мәгърифәтчелек һәм хәйрия эшчәнлегенә ярдәм итүегезнең дәлиле», — диде Мөхәммәтшин мөфти исеменә җибәрелгән телеграммада.
Парламент башлыгы Рамазан ае алдыннан мөфти эшчәнлеге шулай ук мөселман җәмәгатьчелегенең башка конфессия вәкилләре белән хезмәттәшлеген ныгытуга юнәлтелер дип ышана.
Элегрәк «Татар-информ» Камил хәзрәтнең Татарстан мөселманнары Диния нәзарәте рәисе итеп кабаттан сайлануы турында хәбәр иткән иде. Аның кандидатурасын ТР Диния нәзарәтенең VIII съезды делегатлары бертавыштан хуплады.
Кызыклы яңалыкларны күзәтеп бару өчен Телеграм-каналга язылыгыз