Нәзарәт сайтында “Корбан бәйрәме - 2019” сәхифәсе эшли башлады

Әлеге сәхифәдә гает намазын уку вакыты, корбан чалу урыннары, нисаб күләме һәм башкалар мәсьәләләр буенча актуаль мәгълүмат урнаштырылган.
(Казан, 11 июль, “Татар-информ”). Корбан бәйрәме алдыннан Татарстан Республикасы мөселманнары Диния нәзарәте сайтының “Файдалы мәгълүмат” бүлегендә “Корбан бәйрәме - 2019” сәхифәсе эшли башлады. Бу хакта ТР Диния нәзарәте матбугат хезмәте хәбәр итә.Ул сайттан файдаланучыларга гаетне үткәрү, корбан чалу, бәйрәм намазын үткәрү йолаларның тәртипләренә кагылышлы иң киң таралган сорауларга кирәкле һәм нигезле җаваплар табу мөмкинлеген бирә. Аерым алганда, әлеге сәхифәдә гает намазын уку вакыты, корбан чалу урыннары, нисаб күләме һәм башкалар мәсьәләләр буенча актуаль мәгълүмат урнаштырылган.Сәхифә Корбан гаете җиткәнче эшләячәк һәм яңа материаллар белән тулыландырылып торачак.