Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Саратов өлкәсенең Балашово мөхтәсибәте Рамазан турында радиотапшырулар оештырган
Балашово, Калинин, Лысогорск, Самойловск, Аркадакск, Турковск, Романовск һәм Ртищев районнары сәүдә үзәкләрендә, кибетләрдә, кафеларда афишалар куйганнар.
(Казан, 7 март, «Татар-информ»). Изге Рамазан ае башланганчы ай ярым вакыт калып бара. Балашово мөхтәсибәтендә изге Рамазан аена әзерлек эшләре февраль аеннан бирле бара, дип хәбәр итә Россия Мөфтиләр шурасы сайты.
Балашово имам-мөхтәсибе Ильяс хәзрәт Юнкин сүзләренчә, радиода Рамазанның нәрсә икәнен, кемгә ураза тотарга кирәклеген, ә кемгә тыелырга мөмкин булуын, бу изге вакытта нәрсә эшләргә тәкъдим ителүен аңлата торган тапшырулар трансляциясе башланган.
«Без бу эшне Саратов өлкәсе мөфтиенең онлайн-конференциясеннән соң башладык, аның барышында Мөкаддәс хәзрәт Бибарсов имамнарны Ураза аена әзерлек алып барырга чакырды», — ди Балашово районы имам-мөхтәсибе Ильяс хәзрәт Юнкин.
Халык арасында Рамазанны популярлаштыру буенча кампаниягә акча җыю игълан ителде. Балашово, Калинин, Лысогорск, Самойловск, Аркадакск, Турковск, Романовск һәм Ртищев районнары сәүдә үзәкләрендә, кибетләрдә, кафеларда тематик афишалар ябыштырылган. Халык арасында тарату өчен мәгълүмати флаерлар әзерләнгән.
«Без инде традиция буенча „Рамазан кәрзине“ акциясен, шулай ук Саратовтан һәм якын-тирә районнардан дин кардәшләрне чакырып, күмәк ифтар уздырырга планлаштырабыз», — ди Ильяс хәзрәт Юнкин.
Кызыклы яңалыкларны күзәтеп бару өчен Телеграм-каналга язылыгыз