Беренчелекне «Ихсан» якшәмбе мәктәбе шәкертләре яулады

Беренчелекне «Ихсан» якшәмбе мәктәбе шәкертләре яулады

(Казан, 7 февраль, «Татар-информ», Фоат Уразаев). Түбән Новгородтан алынган хәбәрләргә караганда, шәһәрнең Җәмигъ мәчетендә кичә узган Коръән укучылар бәйгесендә беренчелекне Нижгар районындагы «Ихсан» якшәмбе мәктәбенең I һәм IV сыйныф шәкертләре яулаган.

Бәйгедә барлыгы 25 кеше катнашкан. Иң нәни Коръән укучыга нибары 6 яшь булса, иң өлкәненә инде 83 яшь тулган. Конкурсантлар бәйгенең беренче өлешендә Коръән сүрәләрен яттан укыганнар, ә икенче этабында — Изге китаптан. Җиңүчеләргә мактау кәгазьләре һәм бүләкләр тапшырылган.

Җәмигъ мәчетендә Коръән укучылар бәйгесе елга ике мәртәбә үткәрелә икән. Чираттагы бәйге апрель ахыры — май башларында үткәрелер дип планлаштырыла.