ТР мөселманнары Диния нәзарәте вузларда хәләл туклану булдырачак

Бу юнәлештә эш беренчеләрдән булып Казан федераль университетында башланып киткән

(Казан, 4 май, “Татар-информ”). ТР мөселманнары Диния нәзарәте вузларда хәләл туклану булдырачак, дип хәбәр итә мөфтиятнең матбугат хезмәте.

Бу юнәлештә эш беренчеләрдән булып Казан федераль университетында башланып киткән. КФУ студентлары, ТР мөселманнары Диния нәзарәтенә килеп, университет ашханәсендә хәләл туклану булдыру теләген белдергән. Мөфтият, үз чиратында, аларга бу эштә ярдәм итәргә алынган.

КФУ студенты Зөлфәт Хафизов ашханәләрдә хәләл туклану мөмкинлеген булдыру максатыннан имза җыярга тотынган. Бүгенге көндә җиде йөздән артык имза җыелган. Акция шушы атна ахырына кадәр дәвам итәр дип көтелә.