Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мөслим районы Тойгелде авылында икенче мәхәллә мәчете ачылды
Хәзерге вакытта районда 34 мәчет эшли.
(Казан, 2 август, «Татар-информ»). 31 июль көнне Мөслим районы Тойгелде авылында «Кыйбла» мәчете ачылды.
«Кыйбла» мәчете — Тойгелде авылында икенче мәхәллә мәчете. Ул авыл халкының тырышлыгы, иганәчеләрнең матди ярдәме белән сафка басты, дип хәбәр итә Татарстан Диния нәзарәте матбугат хезмәте.
Мәчет 6×12 метр зурлыгында, бер катлы, кирпечтән төзелгән. Тәһарәтханә, ашханә һәм склад бар, әйләнә-тирәсе төзекләндерелгән, юллар салынган. Мәчет 150 кешене сыйдыра ала.
Мәчет ачу тантанасында Татарстан мөфтиенең мөхтәсибәтләр белән эшләү буенча урынбасары Равил хәзрәт Зөфәров, Мөслим районы башлыгы урынбасары Азат Әхмәтҗанов, Мөслим районы имам-мөхтәсибе Илгиз хәзрәт Сөнгатуллин, Чаллы шәһәре имам-мөхтәсибе Әлфәс хәзрәт Гайфуллин, Сарман районы имам-мөхтәсибе Сәгыйть хәзрәт Хаков килде.
Равил хәзрәт Зөфәров мәчет төзүгә зур өлеш керткән иганәчеларгә мөфти исеменнән рәхмәт хатлары тапшырды. Күп еллар Тойгелде авылы имамы вазифасын үтәгән, ислам динен таратуда күрсәткән тырышлыгы өчен Фоат хәзрәт Хәбибуллин нәзарәтнең «Бердәмлек» медале белән бүләкләнде. Мәчеттә беренче өйлә намазы укылды.
Хәзерге вакытта Мөслим районында 34 мәчет эшли.
Кызыклы яңалыкларны күзәтеп бару өчен Телеграм-каналга язылыгыз