Татарстан мөфтие Венада вөҗдан һәм дин иреге хокуклары мәсьәләләренә багышланган конференциядә катнаша

Камил хәзрәт Сәмигуллин өч секциядә дә була

  (Казан, 2 июль, «Татар-информ»). Бүген Татарстан мөфтие Камил хәзрәт Сәмигуллин Венада (Австрия) үткәрелә торган вөҗдан һәм дин иреге хокуклары мәсьәләләренә багышланган конференциядә катнаша. Әлеге мөһим чара барган Хофбург конгресс үзәгенә Европаның куркынычсызлык һәм хезмәттәшлек буенча оешмасына кергән 57 илдән рәсми вәкилләр, дини оешмалар җитәкчеләре җыелды.

Ике көнлек конференциядә фикер алышулар, сөйләшүләр өч юнәлешле секциядә алып барыла:
- вөҗдан һәм дин иреге хокуклары, Европа куркынычсызлык һәм хезмәттәшлек оешмасы төбәкләрендә үзара хөрмәт саклауга һәм аңлашуга булышлык китү;
- куркынычсызлыкны тәэмин итү максатыннан, конфенссияара диалог өчен шартлар тудыру;
- хакимият органнары, дини оешмалар, гражданлык җәмгыяте вәкилләре арасында диалог һәм хезмәттәшлек алып бару.

Татарстан мөфтие өч секциядә дә катнаша. Шулай ук мөфти хәзрәтләре Россия өммәте, Татарстан тәҗрибәсе хакында сөйләячәк. Моннан тыш, Камил хәзрәт Сәмигуллинның кайбер илләрнең дин әһелләре белән очрашулары билгеләнгән, дип белдерә ТР мөселманнары Диния нәзарәте матбугат хезмәте.

Фотосурәт dumrt.ru сайтыннан алынды.