Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Р.Моратов: “Торак-коммуналь хезмәтләр өчен җыела торган акчаны сарыф итү тәртибе турында республикада закон кабул итү зарурлыгы бар”
Торак-коммуналь хезмәтләр күрсәтүчеләрне, ягъни идарәче компанияне, чыннан да, халык үзе сайлап алырлык булсын, ди ТР Премьер-министрының беренче урынбасары
(Казан, 18 февраль, “Татар-информ”, Миләүшә Низаметдинова). Тиздән, 24 февраль көнне, Татарстан Хөкүмәте торак-коммуналь хезмәтләр буенча сессия уздырачак. Андый хезмәт күрсәтүчеләрне, ягъни идарәче компанияне, чыннан да, халык үзе сайлап алырлык булсын, мондый эштә монополия булырга тиеш түгел. Шуңа күрә, торак хезмәтләр күрсәтүдә кече компанияләр булдыру отышлырак.
Бүген “Корстон” сәүдә-күңел ачу комплексында барган “түгәрәк өстәл” утырышында ТР Премьер-министрының беренче урынбасары Равил Моратов шулай дип белдерде. Кайбер муниципаль берәмлекләрдә, мәсәлән, Мамадышта нибары бер идарәче компания хезмәт күрсәтә. Моннан тыш, Казандагы идарәче компаниянең берсеннән баш тартканнар, ә ул техниканы да, бюджеттан күчерелгән һәм халыктан җыелган акчаны да үзе белән алып киткән. “Болай булса, баррикаданың капма-каршы якларына басарга туры килмәгәе безгә...” – дип мөрәҗәгать итте Хөкүмәт җитәкчелеге вәкиле муниципаль берәмлекләр Башкарма комитетлары башлыкларына.
Р.Моратов сүзләренчә, халыктан торак-коммуналь хезмәтләр өчен җыела торган акчаны сарыф итү тәртибе турында республикада закон кабул итү зарурлыгы бар, чөнки кимчелекләр хәттин ашкан. Бюджет акчалары контрольда, ә торак-коммуналь хезмәтләр өчен җыелганы фәкать идарәче компанияләр кулында, диде ул.
Кызыклы яңалыкларны күзәтеп бару өчен Телеграм-каналга язылыгыз