Җәмгыять 1 февраль 2023 19:27

Путин Саклану министрлыгыннан чик буе төбәкләрен утка тотуга юл куймауны таләп итте

Скопировать ссылку

Украина белән чиктәш төбәкләрне утка тотуга юл куймаска кирәк, дип белдерде Россия Президенты Владимир Путин. Ут ачу темасына ул чик буе районнарында гадәттән тыш хәл нәтиҗәсендә җимерелгән торак инфраструктурасын торгызу мәсьәләләренә багышланган киңәшмә барышында тукталды.

Путин искәрткәнчә, Белгород өлкәсе губернаторы Вячеслав Гладков белән очрашу нәтиҗәләре буенча ул Украина ягыннан аткан төбәкләргә ярдәм итү һәм торгызу буенча йөкләмәләр бирде. Әмма яңа ут ачуларга юл куярга ярамый, бу Саклану министрлыгы бурычы, дип белдерде Россия Президенты.

«Әлбәттә, өстенлекле бурыч – ату мөмкинлекләрен бетерү. Әмма бу инде хәрби ведомство эше», – диде Путин.

Исегезгә төшерәбез, Украина кораллы көчләре тарафыннан атулар аркасында, Россиянең чик буе төбәкләрендә террористик куркынычның югары дәрәҗәсе кертелде. Хәрби махсус операция башланганнан соң атулар даими алып барыла. Моннан тыш, Президент Владимир Путин Кырымда, Севастопольдә, Брянск, Белгород, Воронеж, Курск, Ростов өлкәләрендә һәм Краснодар краенда җавап кайтаруның уртача дәрәҗәсен кертте.

Моңа кадәр Украина хәрбиләренең Брянск өлкәсендә «Дружба» нефть үткәргеченә һөҗүм итүе билгеле булган иде.

Сәхифәләр

Путин Саклану министрлыгыннан чик буе төбәкләрен утка тотуга юл куймауны таләп итте