Сәясәт 2 октябрь 2022 16:56

Путин Думага яңа территорияләрне РФ составына кабул итү турында закон проекты тапшырды

Скопировать ссылку

Россия Президенты Владимир Путин Донецк, Луганск Халык Республикалары, Херсон һәм Запорожье өлкәләрен Россия Федерациясе составына кабул итү турындагы дүрт федераль конституцион закон проектын Парламентның Түбән палатасы каравына тапшырды. Бу хакта ТАСС агентлыгы хәбәр итә.

Дәүләт Думасының дәүләт төзелеше һәм закон чыгару комитеты башлыгы Павел Крашенинников сүзләренчә, әлеге канун проектларын Думада – 3 октябрьдә, ә Федерация Советында 4 октябрьдә карарга ниятлиләр.

Ике яңа төбәк – республика, тагын икесе өлкә статусын алыр дип көтелә.

Моннан тыш, РФ Конституция суды карары белән билгеләнгәнчә, 2023 елның 1 гыйнварыннан әлеге субъектларда бюджет законнары кулланылачак, Россия валютасы исә бердәнбер акча берәмлеге булачак, шуңа кадәр анда Украина гривнасы әйләнештә йөриячәк. Яңа республика һәм өлкәләрдә әлеге срокларда федераль башкарма хакимият органнарының территориаль органнарын булдыру күздә тотыла.

Сәхифәләр

Путин Думага яңа территорияләрне РФ составына кабул итү турында закон проекты тапшырды