news_header_top_970_100
news_header_bot_970_100

Путин авыл хуҗалыгыннан мобилизацияләнүчеләрнең гаиләләренә ярдәм күрсәтергә кушты

Өлешчә мобилизация кысаларында хезмәткә чакырылган авыл хуҗалыгы предприятиеләре хезмәткәрләренең гаиләләренә ярдәм итәргә кирәк, дип белдерде Россия Президенты Владимир Путин.

«Төбәк башлыкларына, авыл хуҗалыгы предприятиеләре җитәкчеләренә аерым мөрәҗәгать итәсем килә. Өлешчә мобилизация кысаларында авыл хуҗалыгы хезмәткәрләре дә чакырыла. Аларның гаиләләренә ярдәм күрсәтергә кирәк. Бу мәсьәләгә аерым игътибар бирүегезне сорыйм», – диде дәүләт башлыгы сезонлы кыр эшләренең барышына багышланган киңәшмәдә.

Ул видеоэлемтә буенча утырышта катнашучы губернаторларга гына түгел, ә РФ субъектларының барлык җитәкчеләренә дә мөрәҗәгать итте, дип хәбәр итә Кремльнең матбугат хезмәте.

Путин искәртеп узганча, Донбасста махсус операция һәм референдумнар фонында «Икмәк – барысына да баш» дигән сүзләр актуаль булып кала бирә.

«Һәм, бәлки, без хәзер яшәгән шартларда, бу закон, дөньяның азык-төлек базарларында булган вакыйгаларны исәпкә алып, иң мөһим законнарның берсе булып тора. Шуңа күрә мин хәзерге вакытка кадәр башкарылган эшләр өчен рәхмәт белдерәм», – дип белдерде Россия лидеры киңәшмә ахырында.

news_right_column_1_240_400
news_right_column_2_240_400
news_bot_970_100