Вәзир Уразаев: «Казанда татар-башкорт каршылыгына очраганым юк» - «Ялкын» журналы

Татарлар һәм башкортлар элек-электән дуслар. Тик кемнәрдер бу мөнәсәбәтләрдән проблема ясарга, матбугат чараларына чыгарырга тырыша.

(Казан, 19 май, «Татар-информ», «Ялкын»). Казанның татар телендә белем бирә торган Ш. Мәрҗани исемендәге 2 татар гимназиясендә информатика фәнен укытучы башкорт егете Вәзир Уразаев «Татмедиа Junior» проекты өчен интервью бирде.

Ул Казанга күчү тарихы, татарлар һәм башкортлар дуслыгы, Казанда башкорт телендә аралашу өчен мөмкинлекләр турында сөйләде.

«Башкортлар һәм татарлар арасындагы каршылык турында ишетеп тә, белеп тә торам. Гомумән, кызык хәл ул. Чөнки чын дөресе болай да билгеле. Татарлар һәм башкортлар элек-электән дуслар. Тик кемнәрдер бу мөнәсәбәтләрдән проблема ясарга, матбугат чараларына чыгарырга тырыша. Шәхсән минем Казанда яшәп, бер тапкыр да андый хәлгә очраганым юк. Шуңа күрә андый хәбәрләргә елмаеп кына карыйм», — ди Вәзир Уразаев.