Резедә Шәрәфиева: «Син депутат буласың» дип әйтсәләр, нигә булмаска? — «Шәһри Казан»

Моңа кадәр соңгы интервьюларының берсендә республиканың халык артисты Зәйнәб Фәрхетдинова депутат булырга әзерлеген белдерде.

(Казан, 6 август, «Татар-информ», «Шәһри Казан»). Татар эстрадасы җырчылары бер-бер артлы сәясәткә «китәргә әзерләнә». Казан шәһәре филармониясе артистлары белән үткән «фатирник» та Татарстанның халык артисты Резедә Шәрәфиева да депутат булудан баш тартмас идем, диде.

Моңа кадәр соңгы интервьюларының берсендә республиканың халык артисты Зәйнәб Фәрхетдинова депутат булырга әзерлеген белдерде.

— Хатын-кызның эше болай да күп аның. Аның үз дәүләте — гаиләсе бар. Депутат булу ир-егетләребезгә хас булыр иде. Аларның эше әзрәк дияр идем. Әгәр дә миңа «син депутат буласың» дип әйтсәләр, нигә булмаска? Үзеңнең Татарстаның, телең, динең өчен нигә юк дип әйтергә? Бу һәрберебезнең бурычы, миңа калса, — диде Резедә Шәрәфиева.