Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда илкүләм проектларга кергән объектлар төзелеше 64 процентка тәмамланган
Илкүләм проектларга кергән 95 объектның бишесе тулысынча әзер.
(Казан, 24 июль, «Татар-информ»). 2021 елда Татарстанда илкүләм проектларга кергән 95 объект төзелә. Аларны тормышка ашыру өчен 10 млрд. сумнан артык акча бүлеп бирелгән. Хәзерге вакытта эшләрнең 64 проценты төгәлләнгән.
Татарстан Президенты Рстәм Миңнеханов видеоконференция режимында киңәшмә уздырды.
Республиканың төзелеш министры урынбасары Алексей Фролов сүзләренчә 95 объектның бишесе тулысынча әзер. Ул программалар һәм илкүләм проектлар гамәлгә ашырыла торган һәр тармак турында сөйләде.
«Мәгариф» илкүләм проекты буенча Казанның «Арт-Сити» торак комплексында җиһазлар белән тәэмин итү төгәлләнде. «Заманча мәктәп» федераль проекты буенча төзелә торган 1224 урынга исәпләнгән «Салават күпере» мәктәбе 76 процентка башкарылган.
Моннан тыш, республикада 16 балалар бакчасы төзү планлаштырыла, алар хәзерге вакытта 66 процентка төзелгән.
«Торак» федераль проекты буенча Казанда «Светлая долина» торак комплексында чистарту корылмалары реконструкцияләнә. Соңгы мәгълүматларга караганда, эшләр 12 процентка төгәлләнгән. Шул ук программа буенча «Лето» торак комплексында су белән тәэмин итү челтәрләре төзелә.
2021 елда Татарстанда 15 сорт объекты төзелергә тиеш. Алексей Фролов сүзләренчә, тугыз универсаль мәйданда, ике чаңгы базасында эшләр төгәлләнгән. Дүрт ябык футбол манежы 46 процентка әзер.
Илкүләм проектлар Россиядә 2019 елдан башлап Россия Президенты Владимир Путин указы нигезендә гамәлгә ашырыла.
Кызыклы яңалыкларны күзәтеп бару өчен Телеграм-каналга язылыгыз