Татарстан Үзәк сайлау комиссиясе рәисе сәяси партия вәкилләре белән очрашачак

Республика парламентына сайлаулар 2019 елның 8 сентябрендә узачак.

(Казан, 23 май, «Татар-информ»). Татарстан Үзәк сайлау комиссиясе рәисе Мидхәт Шаһиәхмәтов җомга көнне Татарстан Дәүләт Советына депутатлар сайлауга әзерлек, шулай ук сайлау турында законнардагы үзгәрешләр турында фикер алышу өчен сәяси партия вәкилләре белән очраша. Бу хакта «Татар-информ» га Татарстан Үзәк сайлау комиссиясе матбугат хезмәтендә хәбәр иттеләр.

«Мидхәт Шаһиәхмәтов партия вәкилләренә сайлауларга әзерлек кысаларында Татарстан Үзәк сайлау комиссиясе тарафыннан оештырылган чаралар турында сөйләячәк. Татарстан Үзәк сайлау комиссиясе рәисе уңайлы «Мобиль сайлаучы» сайлау участогында тавыш бирү механизмы ничек тормышка ашырылуын ачыклаячак», - диделәр матбугат хезмәтендә.

Татарстан Үзәк сайлау комиссиясе рәисе шулай ук тавыш бирү процессы буенча иҗтимагый күзәтчелекне оештыру һәм тавышларны санау, сайлаучыларның тавышлары ничек яклануы турында сөйләячәк.

Татарстан Үзәк сайлау комиссиясе рәисе белән очрашуга 20 партиядән вәкилләр чакырылган.