Конституциягә үзгәрешләр кертү турында закон проекты кабул ителде

Закон проекты бертавыштан кабул ителде, аның өчен 432 депутат тавыш бирде.

(Казан, 23 гыйнвар, «Татар-информ»). РФ Дәүләт Думасы Конституциягә Россия Президенты Владимир Путин керткән төзәтмә кертү турында закон проектын беренче укылышта кабул итте. Бу хакта ТАСС хәбәр итә.

Закон проекты парламент, Конституция суды вәкаләтләрен киңәйтүне, югары вазифаи затларга башка илләрдә яшәүгә рөхсәт бирүне тыюны, Президент сроклары санын чикләүне, халыкара килешүләрдән төп законның өстенлеген һәм дәүләтнең социаль йөкләмәләрен арттыруны күздә тота.

Закон проекты бертавыштан кабул ителде, аның өчен 432 депутат тавыш бирде.

Законның президент проектын төп укылышта 11 февральдә пленар утырышта карарга тәкъдим ителә.

«Татар-информ» элек хәбәр иткәнчә, ТР Дәүләт Советы Рәисе Фәрит Мөхәммәтшин Россия Конституциясенә үзгәрешләр кертү турында тәкъдимнәр әзерләү буенча эшче төркем утырышында катнашты.