Тимур Нагуманов Дәүләт Советына сайлауга музыкаль ролик ярдәмендә чакыра

(Казан, 22 август, «Татар-информ»). Әлмәт районы башкарма комитеты җитәкчесе, Татарстанның элеккеге бизнес-омбудсмены Тимур Нагуманов Instagram социаль челтәрендәге үз сәхифәсендә Дәүләт Советына сайлау уңаеннан музыкаль чакыру урнаштырган. Видеороликның төп герое – түбәтәй кигән һәм җырлый торган өчпочмак.Өчпочмак гитарага кушылып җырлый һәм үзен «идеаль кандидат» дип атый.«Дибли-дибли-ди, дибли-дибли-ди, восьмого сентября на выборы иди», - дип чакыра өчпочмак роликның ахырында. «Татар-информ» агентлыгы моңа кадәр хәбәр иткәнчә, ТР Дәүләт Советына сайлауда 200 меңнән артык кеше электрон җайланмалар ярдәмендә тавыш бирәчәк.