Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Радик Гайзатуллин: Мондый киеренке бюджетның беркайчан да булганы юк иде
Имин булмаган вазгыять очрагында беренчел булмаган чыгымнарны киләсе финанс елына күчерергә мөмкиннәр, диде финанслар министры.
(Казан, 21 октябрь, «Татар-информ», Надежда Гордеева). Татарстан Дәүләт Советының Бюджет, салым һәм финанслар комитеты депутатлары 2021 елга һәм 2022-2023 еллар план чорына бюджет закон проекты буенча фикер алышты. Парламент комитеты утырышында Татарстан финанслар министры Радик Гайзатуллин Татарстанда мондый киеренке бюджетны кабул ителгәне булмавын әйтте.
Комитет рәисе Леонид Якунин финанслар министрыннан имин булмаган вазгыять очрагына республиканың керем резервлары булуы белән кызыксынды.
«План чорында ниндидер салым акчалары килеп җитмәгән очракта резервлар бармы, чөнки агымдагы ел вазгыяте бюджет үтәлеше процессы җиңел бармавын күрсәтә. Төрле вакыйгалар өчен резервлар бармы?», — дип сорады депутат.
«Консолидацияләнгән бюджетның һәм республика бюджетының керем өлеше бик киеренке. Күп кенә объектив факторлар керемнәр буенча киеренке бюджет формалаштыруга китерде», — диде ул.
Билгеле киеренкелек булган очракта, киләсе елда финанслау чыганаклары табылмаса, беренчел булмаган чыгымнарны кичектереп торырга кирәк булачак, диде министр.
Кызыклы яңалыкларны күзәтеп бару өчен Телеграм-каналга язылыгыз