IV чакырылыш ТР Дәүләт Советының 51 нче утырышы үз эшен башлады

Бүген депутатлар 30дан артык мәсьәлә турында сөйләшергә планлаштыра

 (Казан, 21 май, «Татар-информ», Алия Җамалиева). IV чакырылыш ТР Дәүләт Советының 51 нче утырышы үз эшен башлады.

Чарада ТР Дәүләт Киңәшчесе Минтимер Шәймиев, ТР Премьер-министры Илдар Халиков, ТР Хөкүмәте вәкилләре һ.б. катнаша. Утырышны ТР парламенты башлыгы Фәрит Мөхәммәтшин алып бара.

Бүген депутатлар 30дан артык мәсьәлә турында сөйләшергә планлаштыра. Алар арасында - ТР Дәүләт Советыннан ТР Иҗтимагый палатасы составына кандидатуралар турында мәсьәлә, “Аеруча социаль ярдәмгә мохтаҗ инвалидлар һәм гражданнар өчен эш урыннарын квоталау һәм резервка алу турында”гы ТР Законына үзгәрешләр кертү турында” ТР Закон проекты (өченче укылыш), шулай ук Казан (Идел буе) федераль университетына Татарстан Республикасы дәүләт ярдәме турындагы закон проекты (өченче укылыш)

Хөкүмәт сәгате кысаларында депутатлар ТР транспорт һәм юл хуҗалыгы министры Ленар Сафинның 2012-2013 нче елларда республикада юл эшләре программаларын тормышка ашыру турында хисабын тыңлаячак.