Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әгерҗе районы авылларында иң өлкән сайлаучылар өйләрендә тавыш бирде
Сайлау участогы вәкилләре Девәтернә һәм Гали авылларында яшәүче тыл һәм хезмәт ветераннарының өйләренә барды
(Әгерҗе, 19 сентябрь, «Татар-информ», «Әгерҗе хәбәрләре»). Сайлау участогы вәкилләре Әгерҗе районының Девәтернә һәм Гали авылларында барлыгы 17 тыл һәм хезмәт ветеранының өенә барды.
Шуларның берсе Девәтернә авылының иң өлкән кешесе — Маува Сибгатуллина. Аңа 94 яшь. Гомере буе иң авыр хезмәттә — урманчылыкта эшләгән. Шуны да әйтергә кирәк, бу ялларда Урман хуҗалыгы хезмәткәрләре көне дә иде. Комиссия әгъзалары Маува апаны һөнәри бәйрәм белән дә котлады.
«Без күргәнне Ходай бала-оныкларыбызга күрсәтмәсен. Яшьлегебез авыр, ач-ялангач узса да, шөкер, картлыгыбыз бик рәхәт үтә. Менә шул рәхәт тормыш өчен үз тавышымны бирәм», — диде ул.
Девәтернә авылында 507нче сайлау участогында барлыгы 284 сайлаучы теркәлгән. 18 сентябрь мәгълүматлары буенча, биредә барлык сайлаучыларның 75 проценты тавыш биргән.
Гали авылында иң өлкән кеше — Фәридә апа Мөхәммәтҗанова. Ул тиздән 90 яшьлек юбилеен каршы алачак. Сайлау участогы вәкилләре аның янында да булды. Ул гомере буе колхозда иң авыр эшләр башкарган.
«Гомерем буена бер генә сайлаудан да калмадым. Анда катнашуны үземнең бурычым итеп санадым. Яшьләр дә шуны аңласыннар иде», — диде ул.
«Ветераннарның өйләренә барганда барлык санитар-эпидемиологик нормалар үтәлде», — диде комиссия рәисе Гөлназ Йосыпова.
Кызыклы яңалыкларны күзәтеп бару өчен Телеграм-каналга язылыгыз