V чакырылыш ТР Дәүләт Советының 6нчы утырышы була

Көн тәртибенә 42 мәсьләлә чыгару ниятләнә

 (Казан, 19 март, “Татар-информ”). Иртәгә сәгать 10 да ТР Дәүләт Советының V чакырылыш депутатларының 6нчы утырышы була. Көн тәртибенә 42 мәсьәлә чыгару ниятләнә. Алар арасында җәмәгать судьяларын сайлау, “Гражданнарның торак хокукларын яклау турында” Татарстан Республикасы законына үәгәрешләр кертү турында”гы ТРның 41-5 нче номерлы закон проекты, “Татарстан Республикасының дәүләт милкен хосусыйлаштыру турында” Татарстан Республикасы закон проектының 10 нчы һәм 15 нче маддәләренә үзгәрешләр кертү турында”гы ТРның 87-5 нче номерлы закон проекты, “Яшь ярымнан алып өч яшькә кадәрлек балалар тәрбияләүче аерым категория гражданнарга айлык түләү турында”гы ТРның 74-5 нче номерлы закон проекты, “Сүз иреге һәм дини берләшмәләр турында” Татарстан Республикасы законының 11нче маддәсенә үзгәрешләр кертү турында”гы ТРның 80-5нче закон проекты һ.б. бар. Шулай ук әлеге утырышта ТР башкарма хакимиятенең 2014 елгы эшчәнлеге хакында хисап та ясалачак, диелә парламентның җәмәгатьчелек һәм ММЧ белән үзара эшчәнлек бүлеге алхәбәрендә.