Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Сайлауларның беренче көнендә Татарстанда видеокамералар эшендә хилафлык күзәтелмәгән
«Видеокамералар эшендә төгәлсезлекләр, аңлашылмаучылыклар һәм хилафлыклар булуы ачыкланмады», — дип белдерде Андрей Кондратьев.
(Казан, 18 сентябрь, «Татар-информ», Эльза Кузнецова). Россия Федерациясенең Федераль Җыены Дәүләт Думасына VIII чакырылыш депутатларын сайлауларда тавыш бирүнең беренче көнендә видеокүзәтү системасы эшендә төгәлсезлекләр, аңлашылмаучылыклар һәм хилафлыклар булмаган.
«"Ростелеком" тарафыннан сайлау участокларында зур мониторинг төркеме булдырылды. Видеокамералар эшендә төгәлсезлекләр, аңлашылмаучылыклар һәм хилафлыклар булуы ачыкланмады», — дип белдерде Татарстан Республикасы Үзәк сайлау комиссиясе рәисе Андрей Кондратьев Бердәм мәгълүмат үзәгендә.
Андрей Кондратьев Татарстан Республикасы Үзәк сайлау комиссиясе мониторинг төркеменең сайлау процессын да күзәтүен: камераларның утсыз да, ут белән дә эшләвен әйтте. «Барлык ситуация дә контрольдә, дәгъвалар юк», — дип белдерде спикер.
Кичә Россия Федерациясенең Федераль Җыены Дәүләт Думасына VIII чакырылыш депутатларын сайлауларның беренче көне төгәлләнде. Татарстанның сайлау участокларында 13 меңгә якын күзәтүче эшләде. Гомумән алганда, Татарстанда үз кандидатлары өчен 32,1 процент сайлаучы тавыш бирде.
Кызыклы яңалыкларны күзәтеп бару өчен Телеграм-каналга язылыгыз