Чистай районында 65 сайлау участогы эшли

Авыл җирлекләрендә – 36, шәһәрдә 29 сайлау участогы ачылды.

(Чистай, 18 март, «Татар-информ», «Чистопольские известия», Гүзәл Гомәрова). 8.00 сәгатьтә Чистай муниципаль районында барлык 65 сайлау участогы да ачылды.

Авыл җирлекләрендә – 36, шәһәрдә 29 сайлау участогы эшли. Чистай халкы сайлау участоклары ачылу белән тавыш бирә башлады. Кешеләр сайлауга күтәренке кәеф белән килә. Әле беренче тапкыр гына тавыш бирүче яшь сайлаучыларга аерым игътибар бирәләр.