Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мөхәммәтшин Европа Советы җирле һәм төбәк хакимиятләре конгрессы утырышында катнаша
Европа парламентарийлары мәдәни мирас белән идарә итү мәсьәләләре турында фикере алышырга, торакны арендалау өчен онлайн-платформалар эшен анализларга ниятли.
(Казан, 15 июнь, «Татар-информ»). Бүген Страсбургта Европа Советы җирле һәм төбәк хакимиятләре конгрессының 40 нчы сессиясенең икенче өлеше ачылды. Пленар утырыш эшендә Конгрессның мактаулы әгъзасы, Татарстан Дәүләт Советы Рәисе Фәрит Мөхәммәтшин катнаша.
Татарстан Дәүләт Советы матбугат хезмәте хәбәр иткәнчә, сессия яңа коронавирус инфекциясе таралуга бәйле санитар-эпидемиологик вазгыять аркасында видеоконференция режимында уза.
Европа Советы җирле һәм төбәк хакимиятләре конгрессының пленар утырышын аның Рәисе Линдерт Вербеек ачты. Сессия көне тәртибенең төп мәсьәләсе булып COVID-19 пандемиясенең Европа шәһәрләрендә социаль-сәяси һәм демократик процессларга йогынтысы, икътисадта локдауннар белән бәйле кризистан соңгы күренешләрне бетерү, шулай ук замана проблемаларына каршы көрәштә төбәкләр теләктәшлеге тора.
Моннан тыш, сессиянең көн тәртибендә — Европа илләрендә җирле үзидарәнең Европа хартиясен гамәлгә ашыруга бәйле кайбер актуаль мәсьәләләр. Европа парламентарийлары шулай ук мәдәни мирас белән идарә итү мәсьәләләрендә тукталырга һәм торакны арендалау өчен онлайн-платформалар эшен анализларга ниятли.
Бүген көннең икенче яртысында һәм иртәгә палата утырышлары уза. 17 июньдә Европа Советы җирле һәм төбәк хакимиятләре конгрессының чираттагы сессиясе пленар утырыш белән тәмамлана.
Кызыклы яңалыкларны күзәтеп бару өчен Телеграм-каналга язылыгыз