Андрей Кондратьев урынына Куркынычсызлык Советының элеккеге секретаре билгеләнәчәк

Татарстан Үзәк сайлау комиссиясе утырышы видеоконференцэлемтә режимында узды.

(Казан, 15 апрель, «Татар-информ»). «Бердәм Россия» партиясе исемлеге буенча республика парламентына сайланган Татарстан Дәүләт Советының элеккеге депутаты Андрей Кондратьев мандаты шулай ук партия исемлегендә күрсәтелгән Татарстан Куркынычсызлык советының элеккеге секретаре Валерий Власовка тапшырылган. Бу карар бүген Татарстан Үзәк сайлау комиссиясе утырышында кабул ителде.

«Татарстан Үзәк сайлау комиссиясе карары белән VI чакырылыш Татарстан Республикасы Дәүләт Советы депутатының вакантлы мандатын Власов Валерий Александровичка тапшырырга тәкъдим ителә, — дип хәбәр итте утырышта Татарстан Үзәк сайлау комиссиясе рәисе Андрей Кондратьев. Татарстан Үзәк сайлау комиссиясе әгъзалары бу тәкъдимне хуплады.

  • Валерий Власов 1996 елдан 2009 елга кадәр Татарстан Гадәттән тыш хәлләр министрлыгын җитәкләгән, аннары Татарстан урман хуҗалыгы министры булган. 2010-2014 елларда Валерий Власов Татарстанның Куркынычсызлык советы секретаре була, соңрак V чакырылыш Татарстан Дәүләт Советы депутаты була.
  • Татарстан Республикасы Дәүләт Советы 2020 елның 12 мартында депутат Андрей Кондратьевның шәхси гаризасы буенча вәкаләтләрен вакытыннан алда туктатты. Дүрт көннән соң ул Татарстан Президенты Рөстәм Миңнеханов тарафыннан Татарстан Үзәк сайлау комиссиясе әгъзасы вазифасына билгеләнде һәм хәлиткеч тавыш бирү хокукына ия булды. Соңрак Андрей Кондратьев ТР Үзәк сайлау комиссиясе рәисе итеп сайланды.