Якынча мәгълүматларга караганда, Татарстанда сайлаучыларның 70 проценттан артыгы тавыш биргән

Төгәлрәк нәтиҗәләр иртән билгеле булачак

  (Казан, 14 сентябрь, "Татар-информ", Камил Әсадуллин). Бүген нәкъ 20.00 сәгатьтә V чакырылыш Дәүләт Советына сайлаулар тәмамланды.
Сайлау участоклары ябылгач та, тавышларны саный башладылар. Якынча мәгълүматларга караганда, Татарстанда сайлаучыларның 70 проценттан артыгы яки 2 миллионнан артык кеше тавыш биргән. Бу хакта журналистларга ҮСК рәисе Әгъзам Гобәйдуллин белдерде.
Сайлаучыларның активлыгы турындагы мәгълүмат һәм беренче сайлау нәтиҗәләре иртән билгеле булачак.