Сәясәтче Михаил Виноградов Татарстанда сайлаулар тыныч уза дип саный

Белгеч республикада узган тәҗрибә башка төбәкләргә дә таралырга мөмкинлеген әйтте.

(Казан, 13 сентябрь, «Татар-информ», Зилә Мөбәрәкшина). «Петербургская политика» фонды президенты Михаил Виноградов Татарстанда сайлаулар тыныч уза, һәм, мөгаен, алга таба да вазгыять шулай булыр, дигән фикерен әйтте. Бу хакта ул бердәм мәгълүмат үзәгендә онлайн элемтә аша сөйләде.

«Гомумән алганда, Татарстанда тавыш бирү тыныч уза. Сайлау — республика позициясен ныгыту дигән сүз ул. Сайлауларда блогерларны җәлеп итү дә үзенә күрә эксперимент. Ул бәлки башка регионнарга да таралыр», — диде ул.