Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Фәрит Мөхәммәтшин Дәүләт Советында 35 укучыга Россия паспортлары тапшырды
Россия гражданинының төп документын укуда, җәмәгать тормышында, спортта уңышларга ирешкән, төрле конкурсларда җиңгән яшь татарстанлылар алды.
(Казан, 11 декабрь, «Татар-информ», Надежда Гордеева). Татарстан Дәүләт Советы Рәисе Фәрит Мөхәммәтшин бүген яшь татарстанлыларга паспортлар тапшырды. Россия гражданинының төп документын республиканың төрле шәһәр һәм районнарыннан 35 укучы алды.
Парламентта Россия паспортларын тапшыру күркәм традициягә әверелде. Ел саен биредә укуда, җәмәгать тормышында актив катнашкан, төрле олимпиадаларда, конкурсларда һәм спорт ярышларында җиңүче булган Татарстан укучылары җыела.
«Без 14 яше тулган иң яхшы, уңышлы, актив татарстанлыларны Россия һәм Татарстан гимннары яңгыраганда тантаналы шартларда паспорт тапшыру өчен чакырдык. Россия Федерациясе гражданнары буларак, сез республика тормышында тагын да активрак катнашу һәм карарлар кабул итү өчен җаваплырак булу хокукларын аласыз», — диде Фәрит Мөхәммәтшин.
Парламент башлыгы республикада яшьләр өчен күп нәрсә эшләнүен, шул исәптән гармонияле үсеш өчен шартлар тудырылуын әйтте. Ул шулай ук укучыларга киләчәктә югары яки урта һөнәри белем алу өчен булачак һөнәрләрен ачыклауларын, «әйдәп баручы инженер, табиб, педагог» булуларын теләде.
- Парламентта беренче тапкыр җиде ел элек Россиянең яшь гражданнарына паспортлар тапшырылды. Ул вакытта документларны 25 татарстанлы алган иде.
Кызыклы яңалыкларны күзәтеп бару өчен Телеграм-каналга язылыгыз