Электрон виза куллануны киңәйтү турындагы карар якындагы ярты елда кабул ителәчәк

2017 елның августыннан электрон виза бирү системасы белән Приморьега килүче туристлар файдалана ала.

(Казан, 10 март, «Татар-информ»). Электрон виза куллануны киңәйтү турындагы карар якындагы ярты елда кабул ителәчәк. Бу хакта «Интерфакс» хәбәр итә.

«Якындагы ярты елда безнең бу мәсьәләне нык алга җибәргән карар булыр дип уйлыйм. Без бу продуктны киңәйтү өчен эшлибез, ул инде үзен аклый», — дип сөйләде Хөкүмәт Рәисе урынбасары Ольга Голодец «Интурмаркет» Халыкара туристик күргәзмә кырларында, әлеге мәсьәләнең барлык дәрәҗәләрдә дә бик нык дебатлашуын билгеләп.

Аның сүзләренә караганда, сүз ил эчендә системаны куллануның географик яктан киңәюе турында гына түгел, гражданнар электрон виза ала алырлык илләр исемлеген киңәйтү турында да бара.

2017 елның августыннан электрон виза бирү системасы белән Приморьега килүче туристлар файдалана ала. Бу вакыт эчендә барлыгы 68 меңгә якын виза бирелде. Хәзерге вакытта функция 18 дәүләт туристлар өчен каралган.